Bu maşınlara maraq durmadan artır – Bəs keyfiyyəti necədir?

Son vaxtlar Azərbaycanın nəqliyyat sektorunda yerli istehsal avtomobillərə maraq artıb. Söhbət Naxçıvan, Hacıqabul və Neftçalada yerləşən zavodlarda yığılan bir sıra məşhur markaların nəqliyyat vasitələrindən gedir.
Hazırda bir çox dövlət qurumları və taksi şirkətləri məhz yerli istehsal olan avtomobillərdən istifadə edir. Yaxın gələcəkdə bu maşınların xaricə intensiv ixracı da gündəmdədir. Bəs görəsən, yerli yığımlar yüksək standartlara cavab verirmi?
Mövzu ilə bağlı Yenisabah.az-a danışan Azərbaycan Avtomobil Dilerləri Assosiasiyasının direktoru Eyyub Əliyev bildirib ki, ölkəmizdəki zavodlarda edilən avtomobil yığımları olduqca yüksək səviyyədədir:
“Əvvəla qeyd edim ki, bizdə sıfırdan istehsal deyil və yığımdır. Yığım isə öz növbəsində olduqca yüksək səviyyədədir. İstər Naxçıvan, istərsə də Gəncə zavodunda, Neftçala və Hacıqabul sənaye zonalarında yığılan maşınlar olduqca keyfiyyətlidir. Hazırda Naxçıvanda 2 ayrı markanın yığımları baş verir, AZƏRMAŞ-a məxsus Hacıqabul və Neftçala zavodlarında isə “Chevrolet” və “Khazar” markaları yığılır. Mətbuatdan da məlum olduğu kimi, yaxın gələcəkdə Rusiyanın dünyaca məşhur “Lada” markası da həmin ərazidə yığıma başlayacaq. Ümumilikdə hər şey yüksək səviyyədədir”.
Eyyub Əliyev yaxın gələcəkdə bəzi tanınmış markaların modellərinin də istehsal ediləcəyini qeyd edib:
“Ölkəmizdə son illər digər sahələrdə olduğu kimi, avtomobil sahəsində də dinamik inkişaf var. Düzdü, sıfırdan yığım deyil, amma dərəcəsinə görə ciddi yığımdır. Markaların digər yığımlarından heç də fərqlənmir. Bir sıra dövlət qurumları da yerli istehsal avtomobillərə üstünlük verir. Yaxın gələcəkdə elektrik avtobuslarının Azərbaycanda yığım prosesi gözlənilir. Bununla bağlı bir sıra məlumatlar çıxmışdı. Yəqin ki, ölkədəki tələbata uyğun avtomobillərin yığımı olacaq. Amma öncədən hansı maşının yığılması ilə bağlı öncədən konkret proqnoz vermək düzgün çıxmaz”.
Elektromobillərə güzəşt tələbi: İdxal vergisi satışa necə təsir etdi? - FOTO
Avtomobil təkərini hansı hallarda təmir etmək lazımdır? - Mütəxəssisdən tövsiyələr
“Mercedes” 70-ci illərdəki prototipi hərraca çıxarır – 25 milyon USD - FOTOLAR
"BMW" böyük dəyişikliklərə hazırlaşır: Bəzi məşhur modellər əvvəlki kimi olmayacaq - FOTO
Evində maşını olanların NƏZƏRİNƏ!
"BMW" sahiblərinə qəribə müraciət: Maşını qarajda saxlamayın
Elektromobillərin daha bir mənfi tərəfi üzə çıxdı
Avtomobilin sobası niyə yaxşı qızdırmır? - 5 əsas SƏBƏB
Böyük dövrlü mühərrik elektromobil üçün üstünlükdürmü?
Çin avtomobili kraş-testdə 0 bal aldı - VİDEO
Süni intellektə görə avtomobillər bahalaşa bilər












