Elektromobil söndürüldükdən sonra su çənində saxlanılır 

Elektromobillərin batareyasının yanması artıq heç kimdə təəccüb doğurmur. Lakin onun söndürülməsi çox vaxt qeyri-mümkün olur.

Avtosfer.az xəbər verir ki, maşının xaricində litium yoxdur. Lakin yanan litiuma çatmaq üçün bütün kənar alovların söndürülməsi lazımdır. Problem də buradan başlayır.

Su ilə təmas edən litium hidrogenin ayrılmasına səbəb olur ki, bu da yanğını sürətləndirir. Adi karbon qazlı odsöndürənlər alovun qarşısını ala bilir, lakin böyük həcmdə istilik ayrılmasının qarşısını almaq mümkün olmur. Elektromobilin söndürülməsi üçün ən səmərəli üsul qum tökməkdir. Lakin bunu hər yerdə tətbiq etmək mümkün olmur.

Tesla şirkəti yanğından sonra elektromobilin 48 saat nəzarətdə saxlanmalı olduğunu bildirir. Niderlandda isə yanğın söndürüldükdən sonra elektromobil 1 sutka böyük su çənində saxlanılır. Məqsəd təkrar yanğın riskini minimuma endirməkdir. Bundan sonra isə maşın yalnız metal tullantısı kimi istifadəyə yarayır.

Vüqar