Elektromobillər ənənəvi avtomobilləri üstələyib

Çində yeni elektrikli avtomobillərin satışı ilk dəfə olaraq adi yanacaqla işləyən minik avtomobillərinin satışını üstələyib.

Avtosfer.az xəbər verir ki, bu barədə Sərnişin Avtomobilləri Assosiasiyasının (SAA) iyul ayı üçün statistik məlumatında deyilir.  Məlumata görə, iyulda Çində elektrik və plug-in hibrid avtomobillərin satışı ümumi avtomobil satışlarının yarısını keçərək böyük bir mərhələyə çatıb. Yeni enerji vasitələri (NEV) adlanan bu seqment avtomobil satışlarının 50,7%-ni təşkil edib və keçən ilin eyni dövrü ilə müqayisədə 37% artım göstərib. Bu rəqəm iyun ayı ilə müqayisədə NEV avtomobillərdə 28,6%, tam elektriklə işləyən avtomobillərdə isə 14,4% artım deməkdir.

Namiq Musayev