“Ford” 85 minə yaxın “Explorer”i geri çağırmağı planlaşdırır

ABŞ-nin “Ford” avtomobil istehsalçısı mühərrikin yanması riskinə görə təxminən 85 min “Explorer” yolsuzluq avtomobilini (SUV) geri çağırmağı planlaşdırır.
Avtosfer.az xəbər verir ki, bu çağırış ABŞ-də olan avtomobillərə şamil ediləcək. Bu barədə “Reuters” məlumat yayıb.
Qeyd edilir ki, avtomobillərdə mühərrik nasazlığı zamanı mühərrik yağı ilə yanacağın avtomobilin yanmasına səbəb ola biləcək hissələrinə düşməsi riski var.
Bildirilir ki, bu nasazlıq hibrid və 3,3 litrlik benzin mühərrikləri olan 2020-2022-ci illərin “Explorer” SUV-nı əhatə edəcək. 

Namiq Musayev