“Ford” tam elektrikli avtomobillərdən imtina edib

Amerikanın “Ford Motor” şirkəti tam elektriklə işləyən yolsuzluq avtomobillərinin istehsalını dayandırıb və onları hibrid edəcək.

“Report” xəbər verir ki, bu barədə şirkətin məlumatında deyilir.

“Ford” bu imtina ilə bağlı müəyyən istehsal aktivlərinin dəyərinin silinməsi səbəbindən təxminən 400 milyon ABŞ dolları məbləğində pul şəklində olmayan xərcləri qeydə alacaq.

Planlardakı dəyişikliyin şirkət üçün daha 1,5 milyard dollara qədər əlavə xərcə səbəb ola biləcəyi güman edilir.

Bundan əlavə, “Ford” yeni elektrikli pikapların buraxılışını 2027-ci ilə qədər təxirə salır.