Qışda yay təkəri ilə maşın sürənləri cərimə gözləyir – DİN-dən təklif

Rusiya Daxili İşlər Nazirliyi qışda yay təkərləri ilə avtomobil idarə edən sürücülərin cərimələnməsini təklif edib.

Avtosfer.az Rusiya mətbuatına istinadən xəbər verir ki, dəyişikliklər təsdiq üçün Nazirlər Kabinetinə göndərilib.

Daxili İşlər Nazirliyi xüsusilə dekabr ayından fevral ayına kimi minik (M1 kateqoriyası) və yüngül yük avtomobilləri (N1) sürücülərinin yay təkərlərindən istifadə etdiklərinə görə cərimələnməsini təklif edir. Yay mövsümündə (iyun-avqust ayları) istənilən kateqoriyadan olan nəqliyyat vasitələrinin sürücüləri, dırnaqlı təkərlərlə avtomobil idarə etdikləri üçün cərimələnəcəklər. Regional hakimiyyət orqanlarına yerli hava şəraitindən asılı olaraq məhdudiyyətlərin vaxt intervallarını tənzimləməyə icazə veriləcək.

Yeni qərarın 2023-cü ilin martından qüvvəyə minə biləcəyi gözlənilir.

Nərminə Əli