Rusiyanın yeni nəsil qırıcılar hazırlamaq planı iflasa uğradı – SƏBƏB

Rusiya-Ukrayna münaqişəsi həm də rusiyanın hərbi sənaye kompleksindəki gizli qüsurları ortaya çıxardı. Sən demə, dünyanın ikinci ordusuna malik ölkədə silah istehsalı RTR, ORT, NTV kanallarının göstərdiyi reklam kadrları kimi deyilmiş. 
Bu günlərdə məlum olub ki, Rusiyanın çox fəxr etdiyi Su-57 qırıcı təyyarəsinin istehsalı mümkün olmayacaq. Səbəb də sadədir. Embarqo nəticəsində zavodlar və elmi-tədqiqat institutları lazımi dəzgahları xaricdən ala bilmir. Bu avadanlıqların satışına ciddi beynəlxalq nəzarət olduğundan qara sxem əsasında alış da mümkün deyil. Bu səbədən Su-57 üzərində iş 2030-cu ildən tez başa çatmayacaq. Başqa sözlə, texnika istehsala bağladığı gün artıq köhnə hesab ediləcək. İndiyədək bu təyyarələr onu prototip, üçü isə real olmaqla istehsal edilib. Təyyarələrin beşinci nəsilə (F-35-lə eyni) aid olduğu iddia edilsə də, sonradan geriyə addım atılaraq dördüncü nəsilə daxil edildi. Potensial müştəri olan Hindistan da bunları almaqdan imtina etdiyi üçün çoxları layihənin batdığını iddia edir. 
Hələlik yalnız maketi hazır olan Su-75-dən isə danışmağa dəyməz. Təyyarənin ilk uçuşu 2023-ə nəzərdə tutulsa da, istehsalçı “maraq doğurmadığı üçün” layihəni dayandırıb.

Vüqar