Səbaildə sərxoş halda maşın sürən şəxs polisdən qaçmağa çalışdı; həbs edildi - FOTO

Paytaxtın Səbail rayonu ərazisində avtomobili sərxoş halda idarə edən sürücü saxlanılıb. 

Oktyabrın 21-də saat 1 radələrində Səbail rayonu, Badamdar qəsəbəsində “Chevrolet” markalı 77-AR-731 dövlət qeydiyyat nişanlı avtomobilə “saxla” işarəsi verilib. Avtosfer.az xəbər verir ki, sürücü Kamran Məmmədov hərəkətdə olarkən əks istiqamətli hərəkət zolağına çıxmaqla ötmə qaydasını pozduğu üçün həmin ərazidə xidmət aparan Səbail rayon Polis İdarəsinin Dövlət Yol Polisi Şöbəsinin əməkdaşları tərəfindən dayandırılıb. 

Yoxlama zamanı sürücünün sərxoş olması müəyyən edilib, sürücü inzibati məsuliyyətdən yayınmaq üçün avtomobildən düşərək qaçmağa çalışıb. Lakin polis əməkdaşları sürücünü saxlayıb. Bu zaman Kamran Məmmədov polisin qanuni tələbinə tabe olmayıb. 

Onun barəsində toplanmış materiallar Səbail rayon Məhkəməsinə göndərilib. Məhkəmənin qərarı ilə sürücü Kamran Məmmədov  8 gün müddətinə inzibati qaydada həbs olunub.

Emin