![Ağcabədi sakini maşını aşırdı: Satacağı yemiş-qarpız yararsız hala düşdü - VİDEO](/upload/news/small/2905657.jpg)
Tacikistan elektrikli avtomobil istehsal etmək istəyir
![Tacikistan elektrikli avtomobil istehsal etmək istəyir](/upload/news/1077081.jpg)
“Tacikistan elektrikli avtomobillərin idxalını artırır və Çin tərəfdaşları ilə əməkdaşlıq edərək öz istehsalını yaratmağı planlaşdırır”. Avtosfer.az xəbər verir ki, bu sözləri ölkənin nəqliyyat naziri Azim İbrohim deyib.
O, qeyd edib ki, Tacikistan ekoloji cəhətdən təmiz və ucuz elektrik enerjisi istehsal edən MDB ölkələrindən biridir:
“Bu baxımdan, ölkədə elektrikli nəqliyyat vasitələrinin istifadəsi hər cəhətdən, xüsusilə yanacaq qiymətlərinin artdığı dövrdə, daha məqsədəuyğun və effektivdir”.
Qeyd edək ki, respublikanın gömrük xidməti elektrikli avtomobillərin idxalı ilə bağlı ötən ilin statistik məlumatlarını da açıqlayıb.
Belə ki, 2023-cü ildə Tacikistana ümumi məbləği 59 milyon dollar olan 3316 ədəd elektrik avtomobili idxal edilib. 76,4 milyon dollar təşkil edib ki, bu da idxal olunan avtomobillərin ümumi sayının (19,7 mindən çox) 26,7%-ni təşkil edir.
Namiq Musayev