Vətənə xidməti arzularından üstün tutan şəhid - VİDEO

Əslən Kürdəmir rayonundan olan Elnur Abışovun döyüş yolu 2016-cı ildən, Aprel döyüşlərindən başlayıb. 

Baku TV xəbər verir ki, Elnur Abışov müddətdən artıq həqiqi hərbi xidmətdə qalaraq ordu sıralarına qatılıb. 

Şəhidin atası Şaiq Abışov bildirir ki, böyük qardaşı hərbiyə yazıldığı üçün Elnur da bu yolu seçib:

“Hərbi xidməti Füzulidə olmuşdu, Aprel döyüşlərində də iştirak etmişdi”. 

Vətən müharibəsinin elə ilk günündən döyüşlərdə iştirak edən qəhrəman şəhidimiz Elnur Abışov Suqovuşan və Talış kəndi istiqamətində gedən döyüşlərdə düşmənin texnikalarını və xeyli sayda canlı qüvvəsini məhv edib.