Bakıda COP29-a həsr olunan Zirvə görüşü keçiriləcək

COP29 30 Aprel 2024 21:45 Oxunub 274
Bakıda COP29-a həsr olunan Zirvə görüşü keçiriləcək
WhatsApp kanalımıza abunə ola bilərsiniz

Bakıda Beynəlxalq Təşkilatların III Zirvə görüşü keçiriləcək. VI Ümumdünya Mədəniyyətlərarası Dialoq Forumu çərçivəsində keçiriləcək görüş “Yaşıl gələcəyə davamlı yol: COP29 və sonrakı dövr üçün birgə fəaliyyət” mövzusuna həsr olunacaq.

III Zirvə görüşündə açılış nitqi ilə Azərbaycan Respublikasının ekologiya və təbii sərvətlər naziri Muxtar Babayev və COP29-un Baş danışıqçısı Yalçın Rəfiyev çıxış edəcək.

“The Guardian” qəzetinin ətraf mühit üzrə redaktoru Fiona Harvinin moderatorluğu ilə keçəcək forumda iştirak edən beynəlxalq təşkilat rəhbərləri və nümayəndələrinin proqram üzrə çıxışları nəzərdə tutulub.

Qeyd edək ki, 1-3 may tarixlərini əhatə edəcək VI Ümumdünya Mədəniyyətlərarası Dialoq Forumu Mədəniyyət Nazirliyinin təşkilatçılığı, BMT-nin Sivilizasiyalar Alyansı (UNAOC), Təhsil, Elm və Mədəniyyət Təşkilatı (UNESCO), İslam Dünyası Təhsil, Elm və Mədəniyyət Təşkilatı (ICESCO) və BMT Turizmin birgə tərəfdaşlığı ilə keçirilir.

ŞƏRH YAZ
Ad

E-mail

Şərh