Taksi parkının yenilənməsi üçün sürücülərə və taksi parklarına imkan yaradılmalıdır – Onları işsiz qoymaq düzgün deyil

COP29 28 Mart 2024 15:27 Oxunub 246
Taksi parkının yenilənməsi üçün sürücülərə və taksi parklarına imkan yaradılmalıdır – Onları işsiz qoymaq düzgün deyil
WhatsApp kanalımıza abunə ola bilərsiniz

Son zamanlar ölkəmizdə bir çox sahələrdə olduğu kimi taksi sahəsində də islahatlar aparılır. Dövlətin bu istiqamətdə gördüyü işlər təqdirəlayiqdir. Hazırda ölkədə 70 minə yaxın taksi var və bu rəqəmin azaldılması nəzərdə tutulur. Lakin bunu kəskin şəkildə etmək olmaz. Birdən-birə bu qədər insanı işsiz qoymaq düzgün deyil. Üstəlik, hansısa bir bazarın sərt tənzimlənməsi dövlətin ümumi məqsədi - əhalinin yüksək məşğulluğu və işlə təmin olunması məqsədi ilə ziddiyyət təşkil edir. Rəqəmsal platformalar bütün dünyada məhz bu məqsədə xidmət edir - özünü və ya ailəsini saxlamağa ehtiyacı olan və ya vaxtının çoxunu sərf edərək bu işi peşəkar şəkildə yerinə yetirməli olan insanlar üçün peşəyə girişi təmin edir.

Konkret olaraq Bakıda görürük ki, dövlətin vəzifəsi taksi parkının yenilənməsini stimullaşdırmaqdır. Bəlkə də yeni qanunvericilik bu problemi həll edəcək, lakin ümumi tələbləri (məsələn, avtomobilin yaşı) təsvir etmək və keçid dövrü üçün vaxt vermək lazımdır. Sürücülərə və taksi şirkətlərinə öz avtomobillərini təkmilləşdirmək və daha yeni nəqliyyat vasitəsi ilə fəaliyyətini davam etdirmək imkanı və vaxtı verilməlidir. Bu işdə həm taksi şirkətləri, həm də hazırda bazarda fəaliyyət göstərən onlayn platformalar mühüm rol oynaya bilər. Düşünürəm ki, onlar da öz avtomobil parkını yeniləməkdə maraqlıdırlar.

Hazırda bir çox sənədlər artıq qanunla təsdiqlənib. Lakin mətbuatda gedən məlumatlardan gördüyümüz kimi, mövcud həll yollarının həyata keçirilməsi ləngiyir. Belə ki, hələ də taksi və taksi şirkətləri üçün lisenziyaların etibarlı reyestri mövcud deyil və hələ də bu lisenziyaların tənzimləyici orqanlar tərəfindən yoxlanılması sistemi işləmir.

Müvafiq olaraq, biznesin bir təlimatı yoxdur – taksi parkları avtomobillərin yenilənməsinə, sürücülərin hazırlanmasına və s. investisiya qoymalıdır. Əks təqdirdə bütün bu yeniliklər kağız üzərində qalacaq. Sonra onların həyata keçirilməsinə heç bir vəsait və ya vaxt sərf etməmək iqtisadi cəhətdən daha sərfəlidir.

Bildiyiniz kimi bu ilin sonunda paytaxtımızda ən böyük beynəlxalq ekoloji tədbir - COP29 konfransı keçiriləcək.

Belə olan halda müvafiq qurumlar tərəfindən artıq indi şəhərdə elektrik taksilərini stimullaşdırmaq üçün bazar şəraitinin yaradılması əla olardı (elektrik yükləmə məntəqələrinin subsidiyalaşdırılması, onların quraşdırılması, idxal rüsumlarının sıfırlanması və s.).

Sonra bu layihəyə sərmayə qoyan taksi parkları və xidmətləri, bəlkə də artıq bu ilin payızında, beynəlxalq iştirakçılar və konfransa gələcək diplomatları qarşılayacaq yeni elektrik avtomobillərini taksilərə təqdim edə bilərlər.

Elməddin Muradlı

nəqliyyat eksperti

ŞƏRH YAZ
Ad

E-mail

Şərh