3 iyun Dünya Velosiped Günü kimi qeyd olunur

Dünya Velosiped Günü iyunun 3-də qeyd edilir. 

Avtosfer.az xəbər verir ki, BMT Baş Məclisi bu barədə müvafiq qətnamə qəbul edib. Sənədin müəllifləri hökumətlərə, özəl sektorun təmsilçilərinə və ictimai qurumlara bu günü BMT ilə birlikdə qeyd etməyi, habelə velosipedin təbliğinə kömək göstərməyi təklif ediblər.

Velosiped asanlıqla idarə olunan, qiymətcə münasib, ekoloji cəhətdən təmiz və etibarlı nəqliyyat vasitəsidir, fiziki və psixi sağlamlığı möhkəmləndirməyə kömək edir. Artıq 200 ildir bəşəriyyətin istifadə etdiyi velosiped qətnamədə belə təsvir edilib.