AMB yanacaq qiymətlərindəki dəyişikliyin inflyasiyaya təsirini açıqlayıb

Tənzimlənən qiymətlərdə artımın inflyasiya proqnozuna birbaşa və dolayı artırıcı təsiri 1.5 faiz bəndi gözlənilir ki, bunun da 1 faiz bəndi 2024-cü ildə reallaşa bilər.

Avtosfer.az xəbər verir ki, bu barədə Azərbaycan Mərkəzi Bankı məlumat yayıb.

Qeyd edək ki, Azərbaycan Respublikasının Dövlət Neft Şirkətinin (SOCAR) müraciəti əsasında Tarif (qiymət) Şurasının 29 iyun 2024-cü il tarixində keçirilən növbəti iclasında Aİ-92 markalı avtomobil benzininin və dizel yanacağının qiyməti tənzimlənib. Belə ki, Aİ-92 markalı avtomobil benzininin pərakəndə satış qiyməti bir litr üçün 1.10 manat, dizel yanacağının pərakəndə satış qiyməti isə bir litr üçün 1.00 manat müəyyən edilib.