Avropada benzinin əlçatanlığı üzrə lider ölkələr açıqlanıb

Benzinin əlçatanlığı ilə bağlı aparılan araşdırmaya əsasən, Lüksemburq Avropada bu göstərici üzrə birinci yeri tutur. Burada orta aylıq əməkhaqqına 2,8 min litrdən çox 95 markalı benzin almaq mümkündür. İkinci yeri Böyük Britaniya (2,5 min litr), ilk beşliyi isə Norveç, Avstriya və İrlandiya (2,2 min litrdən çox) tamamlayır. Avtosfer.az "AZƏRTAC"a istinadən xəbər verir ki, Rumıniya isə benzinin əlçatanlığı baxımından Avropa ölkələri arasında ən aşağı sıralarda yer alır. Burada orta aylıq maaşla cəmi 800 litrdən az benzin almaq mümkündür. Rumıniyanın ardınca Latviya, Slovakiya, Macarıstan və Xorvatiya gəlir. Siyahının sonuncu pilləsində isə Moldova qərarlaşıb. Bu ölkədə orta aylıq maaşla cəmi 546 litr benzin əldə etmək olar ki, bu da Lüksemburqdakı göstəricidən beş dəfə azdır. Bu ilin birinci yarısında Avropada benzin qiymətləri əsasən ucuzlaşıb. İlin əvvəlində və iyunun böyük bir hissəsində Yaxın Şərqdə gərginlik səbəbindən neft qiymətləri artsa da, ayın sonunda qiymətlər yenidən azalıb. Hazırda əksər Avropa ölkələrində yanvar ayı ilə müqayisədə benzin daha ucuzdur. Ən bahalı benzin Avropa ölkələri arasında Danimarkada satılır. Burada 1 litr 95 markalı benzin təqribən 3,79 manat ekvivalentindədir. Daha sonra Niderland, Yunanıstan, İtaliya və Fransa gəlir. Bu ölkələrdə benzinin 1 litrinin qiyməti 3,39 manatdan yuxarıdır. Bolqarıstan və Moldova isə ən ucuz benzin satılan ölkələr sırasındadır. Dizel yanacağının qiymətləri də Avropada azalıb. Ən yüksək qiymətlər Danimarka (3,38 manat ekvivalentində), Niderland, Belçika, İrlandiya, İtaliya, Fransa və Böyük Britaniyada qeydə alınıb (3,17 manat yuxarı).
2025-ci ilin birinci yarısında benzinin qiyməti ən çox Norveçdə (8,7 faiz), İsveçdə (8 faiz) və Macarıstanda (5,4 faiz) azalıb. Bəzi Şərqi Avropa ölkələrində, o cümlədən Rumıniyada, qiymətlərin sabit qalması əməkhaqlarının aşağı olması fonunda benzinin əlçatanlığını azaldır.
Mütəxəssislər hesab edirlər ki, 2025-ci ilin sonuna qədər Avropada benzin qiymətləri 2024-cü illə müqayisədə orta hesabla daha aşağı olacaq. Bu isə, xüsusilə də maaş artımı zəif olan ölkələrdə – Rumıniya və Moldova kimi – benzinin əlçatanlığı baxımından mənfi fərqin yaranmasına səbəb ola bilər.
Tramp, Putin və Su Cinpin Çində görüşəcək; nələr müzakirə ediləcək? - POLİTOLOQ
Ağac avtomobilin və ya evin üzərinə aşanda zərəri kim ödəyəcək? – EKSPERTDƏN AÇIQLAMA
Küləkli havada sürücülər nələrə diqqət etməlidir? – MÜTƏXƏSSİS
Küləkdə ölüm və xəsarət olmaması üçün nə edək? – AÇIQLAMA
Həftəyə tıxacla başladıq
İlham Əliyevin sosial şəbəkə hesablarına kiberhücumlar müşahidə olunur
Prezident İlham Əliyev televiziya və radio işçilərini təbrik edib
Prezident İlham Əliyev Mahmud Abbası təbrik edib
“Kəndlərdə əkin-biçin sahəsi qalmayıb, hamısı...” – Ekspert tıxacların səbəbindən danışdı
ABŞ və müttəfiqləri Çinin Yaxın Şərqdəki məsələlərdə vasitəçi olmasını niyə istəmir? – POLİTOLOQ
Prezident İlham Əliyevin İrlandiyaya işgüzar səfəri başa çatıb












