Avtobusda qadının pul kisəsini oğurladılar

Bakının Sabunçu rayonunda oğurluq hadisəsi baş verib. Avtosfer.az xəbər verir ki, 49 saylı avtobusda Bakı şəhər sakini, 1982-ci il təvəllüdlü VüsaləAbdullayevanın içərisində 70 manat, 1 ədəd qızıl sırğa, ailə üzvlərinə məxsus sənədləri olan pul kisəsi oğurlanıb. Hadisə ilə bağlı Sabunçu Rayon Polis İdarəsinin 12-ci polis bölməsi tərəfindən əməliyyat tədbirləri keçirilir. Oğurluq hadisəsini törədən şəxsin müəyyən edilməsi istiqamətində tədbirlər görülür.