Avtomobillərdən oğurluq edən gənclər yaxalandı

Bakının Nərimanov rayonunda avtomobillərdən oğurluq edən şəxslər yaxalanıb. Avtosfer.az xəbər verir ki, bu barədə Bakı şəhər Baş Polis İdarəsindən teleqraf-a verilən məlumata görə, Nərimanov Rayon Polis İdarəsinin 18-ci polis bölməsi əməkdaşlarının keçirdikləri əməliyyat-axtarış tədbirləri nəticəsində oktyabrın 27-də H.Məmmədov küçəsində yaşayan Vüqar İsmayılzadəyə məxsus “Subaru” markalı avtomobildən şüşəni sındırmaqla içərisində telefon ləvazimatları olan əl çantası oğurlamaqda şübhəli Lənkəran şəhər sakini, 1997-ci il təvəllüdlü Anar Məcidov və Bakı şəhər sakini Natiq Kərimli tutulublar. 

Araşdırma zamanı müəyyən edilib ki, onlar oktyabrın 14-də M.Sənani küçəsində Namiq Quliyevə məxsus “Mercedes”, oktyabrın 20-də O.Əliyev küçəsində Əsli Ağağülovaya məxsus “Nissan”, A.M.Cümə küçəsində Aysel Teymurovaya məxsus “Kia-Serato” və oktyabrın 27-də F.X.Xoyski küçəsində Kəmalə Abdurəhimova məxsus “Hyundai-Elantra” markalı avtomobillərdən pul, mobil telefon, sənədlər və digər əşyalar oğurlayıblar.