Avtomobillərin qənimi tutuldu

Qaraçuxurda silsilə oğurluqlar törədən şəxs saxlanıldı. Avtosfer.az xəbər verir ki, bu barədə Bakı şəhər Baş Polis İdarəsindən verilən məlumata görə, Suraxanı RPİ 32-ci PB əməkdaşlarının keçirdikləri əməliyyat-axtarış tədbirləri nəticəsində, oktyabrın 28-də Qaraçuxur qəsəbəsi V.Quliyev küçəsində yaşayan Zaur Cəfərova məxsus «Opel» markalı avtomobildən açar seçmə yolu ilə maqnitafon oğurlamaqda şübhəli bilinən Bakı şəhər sakini, əvvəllər məhkum olunmuş 1986-cı il təvəllüdlü Qərib Məmmədov tutulub. 

Müəyyən edilib ki, o, oktyabrın 29-na keçən gecə, Qaraçuxur qəsəbəsi V.Quliyev küçəsində yaşayan Sədafət Məmmədova məxsus «Mercedes» markalı avtomobildən, açıq qapıdan keçməklə maqnitafon, 300 manat və 1 ədəd gümüş üzük, noyabrın 7-nə keçən gecə, Bakı şəhər sakini Ramin Bəkirova məxsus, Qaraçuxur qəsəbəsi Ə.Mehbalıyev küçəsində yerləşən mağazadan, dam örtüyünü sökməklə kassadan 110 manat və tütün məmulatları oğurlayıb.