Azərbaycan yollarında bir gün: 6 ölü, 23 yaralı

Mayın 11-də Azərbaycan yollarında baş vermiş avtomobil qəzalarında 6 nəfər dünyasını dəyişib. Baş Dövlət Yol Polisi İdarəsindən Lent.az-a verilən məlumata görə, gün ərzində ümumilikdə 16 yol-nəqliyyat hadisəsi baş verib. Nəticədə həlak olan 6 nəfərlə yanaşı, 23 nəfər də müxtəlif dərəcəli bədən xəsarətləri alıb. Ölümlə nəticələnən qəzalardan ikisi Xətai, digərləri isə, Səbail, Qaradağ, Hacıqabul və Daşkəsən rayonlarında baş verib.