Azərbaycanda dəhşətli qəza: 2 qardaşın ailəsi yasa batdı

Bakı-Qazax magistralının Ağdaşdan keçən hissəsində dəhşətli yol qəzası baş verib. Lent.az-ın məlumatına görə, magistralın 281-ci kilometrliyində 1979-cu il təvəllüdlü Bayramov Tural Rafiq oğlunun idarə etdiyi «Geery» və 1974-cü ildə anadan olmuş Səfərov Etibar Baxşəli oğlunun sürdüyü "Mercedes" toqquşub. Nəticədə "Geely"də olan sərnişinlərdən 2011-ci il təvəllüdlü Bayramlı Hüseyn Vüsal oğlu ağır bədən xəsarətlərindən hadisə yerindəcə keçinib. Avtomobilin sürücüsü və sərnişinləri - 1982-ci il təvəllüdlü Mehriban Bayramova və 2012-ci ildə anadan olmuş Bayramlı Ayan Tural qızı isə Yevlax rayon Mərkəzi Xəstəxanasına aparılıb. Həkimlərin səyinə baxmayaraq 3 yaşlı Ayanın həyatını xilas etmək mümkün olmayıb.

Qeyd edək ki, qəzada ölən uşaqlar iki qardaşın övladları olub.

Daxili İşlər Nazirliyi Ağdaşda baş vermiş dəhşətli yol qəzası ilə bağlı məlumat yayıb. Avtosfer.az nazirliyin mətbuat xidmətinə istinadən xəbər verir ki, dekabrın 12-də saat 06 radələrində Ağdaş şəhərində rayon sakini Etibar Səfərovun idarə etdiyi “Mercedes” və Bakı şəhər sakini Tural Bayramovun idarə etdiyi «Geery» markalı avtomobillər toqquşub. Nəticədə T.Bayramovun sərnişinlərindən qızı Ayan və həmyerlisi Hüseyn Bayramlı ölüb, digər sərnişini isə xəstəxanaya yerləşdirilib. Faktla bağlı cinayət işi açılıb, araşdırma aparılır.