“Azərbaycanla Ermənistan arasında sülhə nail olmaq olar” - VİDEO

Rusiya Prezidenti Vladimir Putin İrəvana rəsmi səfər edib.

Putini hava limanında ölkənin Baş naziri Nikol Paşinyan qarşılayıb.

Xatırladaq ki, Putin İrəvanda KTMT sammitində iştirak edəcək. Bununla yanaşı, Rusiya lideri Paşinyanla təkbətək görüş keçirməyi də planlaşdırır.

***

Putinlə Paşinyan artıq KTMT sammitinin keçiriləcəyi məkana gəlib.

***

“Azərbaycanla Ermənistan arasında sülhə Soçidə əldə olunmuş üçtərəfli razılaşmaların həyata keçirilməsi ilə nail olmaq olar”.

Bunu Rusiya Prezidenti Vladimir Putin Kollektiv Təhlükəsizlik Müqaviləsi Təşkilatının Təhlükəsizlik Şurasının İrəvanda keçirilən iclasında deyib.

Onun sözlərinə görə, Azərbaycan-Ermənistan münaqişəsinin hərtərəfli nizamlanması üçün bütün məsələlərə xüsusi diqqət etmək lazımdır. (qafqazinfo.az)