Bakı metrosu ilə 162 milyondan çox sərnişin daşındı

Cari ilin 9 ayında Bakı metrosu ilə daşınan sərnişinlərin sayı açıqlanıb. Avtosfer.az xəbər verir ki, bu barədə Dövlət Statistika Komitəsindən verilən məlumata görə, metro nəqliyyatının xidmətlərindən istifadə etmiş sərnişinlərin sayı ötən ilin müvafiq dövrü ilə müqayisədə 3,8% artaraq 162,4 milyon nəfərə çatıb. Komitədən bildirilib ki, nəqliyyatçılar 1 milyard 380 milyon sərnişinə və ya əvvəlki ilin eyni dövrü ilə müqayisədə 3,6% çox sərnişinə xidmət göstəriblər. Sərnişinlərin 11,8%-i metro ilə daşınıb.