Bakı və İrəvan arasında bu tarixdə sülh imzalanacaq

“Ermənistanda gələn ilin əvvəlində növbədənkənar parlament seçkilərindən sonra Azərbaycanla sülh müqaviləsinin imzalanması mümkündür. Hazırda baş nazir Nikol Paşinyan seçkilər öncəsi həm müxalifətə, həm də kilsəyə qarşı təzyiqləri artırmaqla daxili müqaviməti zəiflətməyə çalışır”.
Avtosfer.az xəbər verir ki, bu barədə politoloq Məhəmməd Əsədullazadə Konkret.az-a şərhində bildirib.
Politoloq qeyd edib ki, N.Paşinyan Rusiyaya bağlı şəxslərin Ermənistan siyasətinə təsirini zəiflətmək üçün son aylar sistemli addımlar atır. “Yerevan məhkəməsinin Rusiyada fəaliyyət göstərən tanınmış iş adamı, “Taşir” şirkətlər qrupunun rəhbəri Ara Abramyanın torpaq sahəsini müsadirə etməsi bunun bariz nümunəsidir. Abramyan Rusiya ilə yaxın əlaqələri olan, həmçinin həbsdə olan Samvel Karapetyana yaxın şəxsdir”, – deyə o bildirib.
Politoloq vurğulayıb ki, Paşinyan Rusiya yönlü qüvvələri sıradan çıxarmaq üçün yalnız biznes dairələri ilə kifayətlənmir, həm də siyasi təsirləri hədəf alır: “Hazırda o, Gümrüdə yeni seçilmiş Rusiya meylli meri həbslə təhdid edir. Digər bir vacib hədəf isə Ermənistan Apostol Kilsəsinin rəhbəri II Qaregendir. Paşinyan hesab edir ki, katalikos müxalifətin əsas ideoloquna çevrilib və Moskvadan idarə olunur”.
Məhəmməd Əsədullazadənin sözlərinə görə, Paşinyan II Qaregini istefaya məcbur etmək üçün Eçmiədzində tərəfdarlarını səfərbər edib və kilsəyə qarşı ictimai etimadı sarsıtmağa çalışır: “O, bu istiqamətdə bir neçə dəfə qərar versə də, Rusiya təzyiqləri ilə geri çəkilib. Ancaq görünən odur ki, yaxın aylarda təzyiqlər daha da artacaq və II Qaregini istefaya göndərmək planı reallaşa bilər”.
Politoloq əlavə edib ki, Paşinyan üçün kilsə daxilində əsas müxalif fiqurun aradan götürülməsi seçkilərə radikal və təsirli müxalifət olmadan getmək imkanı yaradacaq: “Bu, ona parlament seçkilərində qələbə qazandırmaqla bərabər, sülh gündəliyini irəli aparmaq şansı da verəcək. Əgər payızda katalikos istefa verərsə, 2026-cı ilin əvvəlində növbədənkənar seçkilər keçirilə bilər. Ardınca apreldə konstitusiya referendumu və yay aylarında Azərbaycanla sülh müqaviləsinin bağlanması mümkündür”.
Tramp, Putin və Su Cinpin Çində görüşəcək; nələr müzakirə ediləcək? - POLİTOLOQ
Ağac avtomobilin və ya evin üzərinə aşanda zərəri kim ödəyəcək? – EKSPERTDƏN AÇIQLAMA
Küləkli havada sürücülər nələrə diqqət etməlidir? – MÜTƏXƏSSİS
Küləkdə ölüm və xəsarət olmaması üçün nə edək? – AÇIQLAMA
Həftəyə tıxacla başladıq
İlham Əliyevin sosial şəbəkə hesablarına kiberhücumlar müşahidə olunur
Prezident İlham Əliyev televiziya və radio işçilərini təbrik edib
Prezident İlham Əliyev Mahmud Abbası təbrik edib
“Kəndlərdə əkin-biçin sahəsi qalmayıb, hamısı...” – Ekspert tıxacların səbəbindən danışdı
ABŞ və müttəfiqləri Çinin Yaxın Şərqdəki məsələlərdə vasitəçi olmasını niyə istəmir? – POLİTOLOQ
Prezident İlham Əliyevin İrlandiyaya işgüzar səfəri başa çatıb












