Vətən müharibəsi zamanı Azərbaycanın ərazi bütövlüyü uğrunda döyüşlərdə həlak olmuş əsgər və zabitlərimizə, qətlə yetirilən mülki vətəndaşlara və itkin düşmüz soydaşlarımıza ehtiram əlaməti olaraq Bakı şəhərində yürüş təşkil edilib. Neftçilər prospektindən başlayan yürüş Prezident İlham Əliyev tərəfindən bu gün təməli qoyulan Vətən müharibəsi memorial kompleksi və Zəfər muzeyinədək davam edib. Yürüşdə Ali Baş Komandan İlham Əliyev, birinci xanım Mehriban Əliyeva, Müdafiə Nazirliyinin Heydər Əliyev adına Azərbaycan Ali Hərbi Məktəbinin və Bakı Qarnizonunda yerləşən hərbi hissələrin 3000 nəfərdən çox kursant və hərbi qulluqçusu iştirak edib.

***

27 sentyabr Vətən müharibəsinin Anım Günü ilə əlaqədar tədbir başlayıb. Hərbçilər əllərində Vətən müharibəsi şəhidlərinin şəkilləri həkk olunan plakatlarla anım yürüşü edir. Azadlıq meydanından başlayan anım yürüşü Ağ Şəhər istiqamətində davam edir. 

Anım mərasimində Prezident İlham Əliyev və xanımı Mehriban Əliyeva da iştirak edir.

Yürüşün son nöqtəsi Hərbi Qənimətlər Parkı olacaq.