Bakıda dövlət qrumu və tikinti şirkəti alternativ yolları dağıtdı - VİDEO

Ekspert Elməddin Muradlı sosial şəbəkələrdə etdiyi paylaşımda Səbail rayonu Bayıl qəsəbəsində Neftçilər prospektinə alternativ olan Ziya Yusifzadə və Əlibəyov qardaşları küçələrinin bərbad halından danışıb.

Avtosfer.az xəbər verir ki, ekspertin sözlərinə görə, bunun günahkarı sözü gedən ərazidə tikinti işləri aparan şirkət və “Azərsu” Açıq Səhmdar Cəmiyyətidir. Onların gördüyü qazıntı işlərinə görə yollar bu vəziyyətdədir. Bu səbəbdən sürücülər alternativ yol kimi həmin küçələrdən istifadə etmir. Nəticədə digər istiqamətə yönlənirlər ki, bu da sıxlığın və tıxacın bir nömrəli səbəbidir.

Elməddin Muradlı: “Maraqlıdır sanki bu işlər “Formula 1” yarışları ərəfəsində məqsədyönlü şəkildə aparılıb, yolu qazıb bərbad vəziyyətə salaraq o formada da işləri yarımçıq dayandırıblar”.

Güman edirik ki, aidiyyəti orqanların tapşırığından sonra məhsuliyyətsiz insanlar, bu yarımçıq işləri başa vurub, hərəkəti normal şəkildə təmin edəcəklər.

Nurlan Sakitoğlu
Nərmin Əkbər