Bakıda gecə qəza törədən avtobus bu şirkətin imiş – sürücü içkili olub? - FOTO

Bakıda avtomobillərin əzilməsinə səbəb olan avtobusun aid olduğu şirkət məlum olub.

Avtosfer.az-ın əldə etdiyi məlimata görə, gecə saatlarında yol kənarında dayanan zaman avtomobili əzən 165 nömrəli marşrut avtobusu  şirkət “Çinar Trans MMC”ə məxsusdur.

Daşıyıcı şirkətdən hələ rəsmi açıqlama olmasa da, hadisə şahidlərinin bildirdiyinə görə, avtobusun sürücüsü axşam saatlarında nəqliyyat vasitəsini Əsəd Əhmədov küçəsindəki yoxuşda saxlayıb. Bu zaman sürücü içkili halda olub. Üstəlik, avtobusun sükanını səkiyə deyil, yola doğru çevirib. Sakinlərin dediyinə görə bu marşrut avtobusunun ümumiyyətlə əvvəllər də əl əyləcində nasazlıqlar yaranıb.

Faktla bağlı araşdırmalar davam etdirilir.

Səfər