Bakıda məşhur şadlıq sarayı küçənin bir hissəsini özəlləşdirib - VİDEO - YENİLƏNİB

Əldə etdiyimiz məlumata görə, paytaxtın Nəsimi rayonunda qeyd olunan neqativ hal polis əməkdaşları tərəfindən aradan qaldırılıb.
***
Daha bir obyekt sahibi səkini zəbt etdi.

Avtosfer.az xəbər verir ki, paytaxtın Nəsimi rayonunda yerləşən iri şadlıq saraylarından birinin qanunsuz hərəkətləri səbəbilə piyadaların hərəkəti məhdudlaşdırılıb.

Belə ki, Eldar Babayev və Hüseyn Seyidzadə küçələrinin kəsişməsində yerləşən Yeganə şadlıq sarayı öz obyektini gözəlləşdirmək məqsədilə səkiyə kol tingləri düzüb. Buna görə də piyadalar vaxtaşırı yolun avtomobillər üçün nəzərdə tutulan hissəsi ilə hərəkət etməli olurlar. Bu da qəza təhlükəsi yaradir.

Sosial şəbəkədə yayılan görüntülər müzakirələrə səbəb olub. İstifadəçilər bu cür halların adiyyəti qurumlar tərəfindən tezliklə aradan qaldırılmasını tələb edir.

Səfər