Bakıda yağan qar nə qədər davam edəcək? - XƏBƏRDARLIQ EDİLDİ

Bakıda müşahidə olunan qarlı hava şəraiti paytaxtda gündəlik həyatın ritminə təsir göstərib. Gecə və səhər saatlarında yağan qar nəqliyyatın hərəkətində ləngimələrə səbəb olub, şəhərin bəzi ərazilərində isə sürüşmə riski yaranıb.

Maraqlıdır, Bakıda yağan qar nə vaxta qədər davam edəcək?

Avtosfer.az-ın məlumatına görə, mövzu ilə bağlı Hava və iqlim məsələləri üzrə ekspert Cavid Hüseynov "Konkret.az"a açıqlamasında bildirib ki, Bakıda müşahidə olunan hazırkı yağıntılı hava şəraiti fonunda gecə saatlarında temperaturun 0°C-yə yaxın və -1°C-yədək enəcəyi gözlənilir ki, bu da yaş səthlərin donmasına səbəb ola bilər.

“Güclü şimal-qərb küləyi “hiss edilən temperaturu” daha da aşağı salır ki, bu da rütubətli yerlərdə buzlaşma prosesini sürətləndirir. Aidiyyəti qurumlar tərəfindən xüsusilə körpülərdə və şəhər kənarındakı yollarda sürət həddinə diqqət yetirmək tövsiyə olunur”.