Bakıda yaşayış binası təhlükəli vəziyyətdədir

Bakının Səbayıl rayonu, Badamdar qəsəbəsi, Seyran Məmmədov 3 ünvanında yerləşən yataqxana binası qəzalı vəziyyətdədir.

Məlumata görə, qəzalı vəziyyətdə olan binada 90 ailə yaşlayır.

Sakinlərin sözlərinə görə, həmin bina illərdir ki, bu vəziyyətdədir. Bina gəmi təmiri zavodunun yataqxanası olub. Bir vaxtlar bu zavodda çalışanlara verilən bina indi təhlükəli vəziyyətdədir.

Sakinlər deyirlər ki, problemlə bağlı dəfələrlə aidiyyəti qurumlara müraciət etsələr də, vəziyyət dəyişməz olaraq qalıb.

Məsələdən Səbail Rayon İcra Hakimiyyətində də xəbərdardırlar. Qurumdan bildirildi ki, sözügedən yataqxana Fövqəladə Hallar Nazirliyinin müvafiq rəyinə əsasən, qəzalı vəziyyətdədir. İcra hakimiyyətindən o da qeyd olundu ki, məsələ ilə əlaqədar aidiyyəti qurumlara rəsmi müraciətlər ünvanlanıb.