Bakıdan Tiflisə Yeni İl qatarı açıla bilər

“Azərbaycan Dəmir Yolları” QSC Yeni İli Gürcüstanda qeyd etmək istəyən turistlər üçün Bakıdan Tiflisə xüsusi qatarın xəttə buraxılması barədə turizm şirkətlərindən müraciət gözləyir. Avtosfer.az xəbər verir ki, bu barədə fins-ə “Azərbaycan Dəmir Yolları”nın mətbuat xidmətinin rəhbəri Nadir Əzməmmədov məlumat verib. N. Əzməmmədov: “Yeni ildə əvvəlcədən turizm şirkətləri bizə müraciət edib, xüsusi qatar ayrılmasını istəsələr, biz onların müraciətini yerinə yetirib, sifariş sayından asılı olaraq işçi və vaqon verəcəyik”. Mətbuat katibinin sözlərinə görə, qatarın gediş-dönüş vaxtını və xidmətləri turizm şirkətləri özləri müəyyənləşdirirlər. Sifarişə uyğun bütün ödənişləri də şirkətlər özləri edirlər.