Bakının bu küçəsindəki vəziyyət vətəndaşları narahat edir: Qurumlardan reaksiya yoxdur - VİDEO

Binəqədidə sakinlər qurumların nəzarətsizliyindən şikayət edir.

Avtosfer.az xəbər verir ki, paytaxtın Binəqədi rayonundakı avtomobillərin hərəkəti üçün nəzərdə tutulan yolda təmirsizlik səbəbilə çuxurlar yaranıb.

Belə ki, rayonun Vətən müharibəsi zamanı şəhid olan kapitan Tural Zeynalovun adını daşıyan küçəsindəki vəziyyət sakinlərin narazılığı ilə nəticələnib. Ərazidə yaşayan vətəndaşlar yolların həm işıqlandırılmaması, həm də çala-çökək olması səbəbilə küçədə tez-tez qəza şəraiti yarandığını, məktəblilərin dərsə gedib-gəlməkdə çətinlik çəkdiyini deyir.

Yolda yaranan bərbad vəziyyət avtomobillərə də zərər vurur. Sakinlər aiddiyyəti qurumların məsələni tezliklə nəzarətə götürməsini və ərazidəki vəziyyətin düzəldilməsini xahiş edir.

Vətəndaşların ərazidən qeydə aldığı həmin videonu sizə təqdim edirik:

Səfər