Bakının ən çox tıxac olan küçələri - VİDEO

Nəqliyyatın İntellektual İdarəetmə Mərkəzi  tərəfindən Üzeyir Hacıbəyli, Zərifə Əliyeva, Puşkin küçələrində, həmçinin Neftçilər və Azadlıq prospektlərində araşdırmalar aparılıb. Avtosfer.az atv.az-a istinadən xəbər verir ki, aparılan araşdırmalar nəticəsində məlum olub ki, adı çəkilən küçə və prospektlərdə yol hərəkəti  sxemdə göstərildiyi qaydada təşkil edilərsə günün müxtəlif saatlarında yaranan tıxac hallarının qarşısını almaq mümkün olar. Beləliklə bu yollarda hərkətin təşkili üçün başqa sxem qurulub. Yeni sxemə görə, Puşkin küçəsindən sağa və sola, Üzeyir Hacıbəyli küçəsi istiqamətində hərəkət edən nəqliyyat vasitələrinin daimi olaraq hərəkəti işıqforun  əlavə seksiyasında təşkil ediləcək. Puşkin küçəsinin Üzeyir Hacıbəyli küçəsi ilə Neftçilər prospekti arasında olan hissəsində istiqamətlər arasında rezin arakəsmələr quraşdırılacaq; Puşkin küçəsi ilə hərəkət edib Neftçilər prospekti istiqamətinə çıxan avtobusların birbaşa deyil, Zərifə Əliyeva və Keykab xanım Səfərəliyeva  küçələri vasitəsilə Neftçilər prospekti istiqamətində hərəkətini təmin etmək məqsədilə Puşkin küçəsində yerləşən avtobus dayanacağı götürüləcək və əvəzində Zərifə Əliyeva və Keykab xanım Səfərəliyeva küçələrində quraşdırılacaq. Bundan başqa Zərifə Əliyeva küçəsinin Puşkin və Səfərəliyeva küçələrinin arasında olan hissəsi bir istiqamətli ediləcək. Neftçilər prospekti ilə hərəkət edən nəqliyyat vasitələrinin sola, Azadlıq prospektinə, Zərifə Əliyeva küçəsinə və “Azadlıq” meydanının altında yerləşən avtomobil dayanacağına daxil olmasını təmin etmək məqsədilə “Giriş qadağandır” yol nişanları da götürüləcək. Azadlıq prospekti ilə hərəkət edən nəqliyyat vasitələrinin Neftçilər prospektinə çıxışının təmin edilməsi, Neftçilər prospekti ilə hərəkət edən nəqliyyat vasitələrinin sola, A.Puşkin küçəsi istiqamətində hərəkətinin təmin olunması da nəzərdə tutulur.