Bakının rəisi əmr verdi: dərhal cərimə meydanına aparılsın

Bakı polisi sürücülər üçün yeni, amma xoş olmayan ''surpriz'' hazırlayıb. Avtosfer.az criminal.az-a istinadən xəbər verir ki, artıq paytaxt küçələrində olan rayon qeydiyyatlı avtomobillərə qarşı sərt addım atılacaq. Bu barədə Bakı Şəhər Yol Polis İdarəsinin rəisi Nuşirəvan Səfərov xüsusi əmr verib. Rəisin əmrinə əsasən, rayon qeydiyyatlı avtomobillər dərhal cərimə meydanına aparılacaq. Bu barədə sürücülərə yol patrul xidmətinin əməkdaşları məlumat veriblər. Bakıda saxlanılan rayon maşınları cərimə meydanından ancaq saat 20-dən sonra çıxa biləcək. Məsələ ilə bağlı Bakı Şəhər Yol Polis İdarəsinin mövqeyini öyrənmək mümkün olmadı. Xatırladaq ki, Nazirlər Kabinetinin qərarına əsasən, sentyabrın 15-dən Bakı qeydiyyatında olmayan maşınların şəhərə girişinə yasaq qoyulub. Rayon avtomobilləri Bakının girişlərində saxlanılaraq xüsusi dayanacağa qoyulur, sürücülərə şəhərə ancaq ictimai nəqliyyatla gəlmək icazəsi verilir.