"Baku Electronics" müştərilərin ƏDV-nə göz dikib? - FOTO

İri məişət texnikalarının satışı ilə məşğul olan şirkət müştərisinin ƏDV-ni oğurlayıb.

Avtosfer.az xəbər verir ki, sosial şəbəkələrdə “Baku Electronics”dən şikayət edən xanım haqqının şirkət tərəfindən mənimsəndiyini bildirib.

Yasamal rayonu İnşaatçılar metro stansiyası yaxınlığında yerləşən “Baku Electronics” mağazasından şikayətçi olan xanım xanım bunları qeyd edib:

“Keçən ay İnşaatçılar filalında kreditlə götürdüyüm məhsulun qalan son 1900 azn ödənişini kartla ödəyib borcu bağladım. ƏDV çekini portala əlavə etdim, məhsul geri qaytarılıb yazdılar. Qaynar xəttə zəng edib şikayət etsəm də, guya “bu imtinanı vergi edib” deyib, günahı üstlərindən atdılar”.

Xanım onu da vurğulayıb ki, Dövlət Vergi Xidmətinin belə əməliyyatları vətəndaşlardan xəbərsiz etmədiyindən hər kəs məlumatlıdır. O, iddia edib ki, bunu mağaza və kassir edib.

Qeyd edək ki, xanım 1900 manat kredit ödəyib və 50 manat 72 qəpik ƏDV əldə etməli idi.

Səfər Əlizadə