Bəzi dayanacaqların yeri dəyişdiriləcək - Video

Paytaxt Bakıda, xüsusilə pik saatlarda sərnişin avtobuslarında insanların sıxlığı, cəmiyyəti narahat edən məsələlərdən biridir. Artıq narahatlığa ehtiyac qalmayacaq, dayanacaqlar dəyişidiriləcək. Avtosfer.az xəzərxəbər-ə istinadən xəbər verir ki, Nəqliyyat Nazirliyi bu istiqamətdə işlərə start verib. Bunu nəqliyyat nazirinin müavini Musa Pənahov deyib: “İctimaiyyətin nəqliyyata tələbatı çoxdur, biz də bunun üzərində işləyirik ki, müəyyən dayanacaqlarda avtobusların dayanma yerlərini dəyişək. Çünki elə dayanacaq var ki orada kütlə olur, eləsi var ki boşdur. Ona görə bununla bağlı optimallaşdırma aparırıq. Bu da yəqin ki, öz nəticəsini verəcək. Amma bu gün gördüyümüz əsas iş həmin saatlarda əlavə avtobuslar buraxırıq”.