Bu il 19 minə yaxın şəxsə sürücülük vəsiqəsi verilib

Bu ilin birinci rübündə Azərbaycanda 19 minə yaxın şəxsə sürücülük vəsiqəsi verilib. Bu barədə APA-ya Respublika Baş Dövlət Yol Polisi İdarəsindən bildirilib. Məlumatda qeyd olunur ki, Baş idarənin əməkdaşları tərəfindən 2014-cü ilin 1-ci rübü ərzində hüquqi və fiziki şəxslərə məxsus olan nəqliyyat vasitələrinin qeydiyyatı, təkrar qeydiyyatı, qeydiyyatdan çıxarılması, sürücülük vəsiqələrinin verilməsi üzrə vətəndaşların, idarə, müəssisə və təşkilatların nümayəndələrinin qəbulu aparılıb, 21 038 avtomobil ilkin qeydiyyata alınıb, 18 min 772 ilkin sürücülük vəsiqəsi verilib.