Bu küçələrdə sürücülər məcbur olub qayda pozur: 100 manatdan 40 manat yaxşıdır? - VİDEO

Bakının bir sıra küçələrində xətlənmə işləri yenilənib, yaxud dəyişdirilib. Onlardan biri də avtobus zolaqlarında düz xətlənmənin sona qədər çəkilməsidir. Belə ki, dəyişən nişanlanma xətti sürücülərin ikinci zolaqdan sağa dönməsini əngəlləyir. 

Mövcud problemlə bağlı qəza əleyhinə kursların məşqçisi Aqil Rəhimov sosial şəbəkə hesabında paylaşım edib. O bildirib ki, əvvəllər avtobus zolağının sonunda, yolayrıcına yaxın məsafədə qırıq-qırıq xətlər çəkilmişdi və sürücülər rahatlıqla sağa dönə bilirdi. Lakin indi yolayrıcından sağa dönən sürücüləri cərimə gözləyir: “Fotoşəkildən göründüyü kimi, ikinci zolaqda çəkilmiş ox işarəsi sürücülərin yalnız düzünə hərəkət etməli olduqlarını göstərir. Yəni, sürücü yolayrıcına çatan zaman sağa dönmək istəsə, bu mümkün olmayacaq. Əks halda o, yolayrıcını keçmə qaydasını pozduğu üçün 40 manat cərimə ödəmək məcburiyyətindədir. Məhz bu səbəbdən müvafiq qurumlar xətlənmə işini tezliklə düzəltməlidirlər. Sürücülər ikinci zolaqdan döndükləri üçün həmin zolaqda düzünə oxla yanaşı, düzünə və sağa icazə verən ox olmalıdır. Bu, olduqca vacib məsələdir və sürücülərin qayda pozmamalarına xidmət edəcək”.

Nərmin