Bu ölkənin paytaxtında yalnız elektrikli nəqliyyat vasitələri olacaq – Benzinə və dizelə yer yoxdur

İndoneziya prezidenti Coko Vidodo ölkənin yeni paytaxtı Nusantarada benzinlə işləyən avtomobillərin olmayacağını təsdiqləyib.

Avtosfer.az xəbər verir ki, bu barədə “Detik” portalı məlumat yayıb.

C.Vidodonun sözlərinə görə, paytaxt Nusantarada inkişaf edəcək iqtisadiyyat yaşıl iqtisadiyyatdır:

“Ediləcək hər şey yaşıl olacaq. Elektrikli nəqliyyat vasitələri ənənəvi avtomobil kimi istifadə olunacaq. Benzinlə işləyən daxili yanma mühərrikli avtomobillər həqiqətən də Nusantarada qadağan olunacaq, çünki onun konsepsiyası yaşıl şəhərdir".

Qeyd edək ki, İndoneziya prezidenti Coko Vidodo 2019-cu ildə paytaxtın Cakartadan köçürülməsi ideyasını irəli sürüb.

Namiq Musayev