Bu şəxslər Qarabağa səyahət zamanı postdan buraxılmırlar - VİDEO

Kredit və aliment gecikməsinə görə axtarışda olan şəxslər Qarabağa səyahət zamanı postdan buraxılmırlar. Belə bir xəbərdarlıq Qarabağa tur təşkil edən əksər şirkətlərdə qeyd olunub. Hətta bildirilir ki, həmin şəxs postdan buraxılmadığı təqdirdə etdiyi ödəniş geri qaytarılmayacaq.

Turizm üzrə ekspert və tur təşkilatçısı Fariz Bəşirov deyir ki, bəzi vətəndaşlar axtarışda olduqlarına rəğmən, turlara qoşulurlar və posta çatanda isə polis əməkdaşları tərəfindən saxlanıldıqda birbaşa tur şirkətini günahlandırırlar. Bu səbəbdən də Qarabağa təşkil olunan turlarda bu xəbərdarlığı qeyd etmək şərt olub.

Məsələ ilə əlaqədar Daxili İşlər Nazirliyindən bildirildi ki, axtarışda olan şəxs məkanından asılı olmayaraq polis əməkdaşı tərəfindən aşkarlanırsa, axtarışa verildiyi rayon üzrə tərhvil verilir.

Nurlan Əliyev əlavə edib ki, axtarışda olan şəxs turla və ya tək getməsindən asılı olmayaraq, nəzarət keçid məntəqələrində saxlanılıraq aidiyyəti üzrə təhvil verilir.

Ətraflı videomaterialda.