Bu yollarda xüsusi hərəkət zolaqları çəkilir – FOTO

Bakıda avtobuslar və operativ nəqliyyat vasitələrinin xüsusi hərəkət zolaqlarının çəkilməsi işləri davam etdirilir. Avtosfer.az xəbər verir ki, bu barədə Nəqliyyat Nazirliyi Nəqliyyatı İntellektual İdarəetmə Mərkəzindən məlumat verilib. Məlumata görə 20 oktyabr tarixində Bibiheybət yolunda xüsusi hərəkət zolaqlarının çəkilməsi işləri yekunlaşmış, sabahdan etibarən isə, Salatın Əsgərova küçəsinin Ceyhun Hacıbəyli küçəsi ilə Azadlıq prospekti arasında olan hissəsində xüsusi hərəkət zolaqlarının çəkilməsinə başlanılacaq. 

Paytaxtda müntəzəm sərnişin daşımaları yerinə yetirən avtobusların və operativ nəqliyyat vasitələrinin xüsusi zolaqla hərəkətinin təmin edilməsi məqsədilə, ilkin olaraq qeyd olunan siyahıdakı yollar:

1.Bibiheybət yolu

2.Əhməd Rəcəbli küçəsi

3.Alfred Nobel prospekti

4.Rəşid Behbudov küçəsi

5.Yusif Səfərov küçəsi

6.Salatın Əsgərova küçəsinin Ceyhun Hacıbəyli küçəsi ilə Azadlıq prospekti arasında olan hissəsində.