COVID-19 pasportu olmadığına görə 11 nəfər toya buraxılmadı

Avqustun 27-də Daxili İşlər Nazirliyinin, Qida Təhlükəsizliyi Agentliyinin və İqtisadiyyat Nazirliyi yanında Dövlət Vergi Xidmətinin nümayəndələri Bakı şəhərində və respublika ərazisində altı toy şənliyinin monitorinqini həyata keçirib.

Nazirlikdən verilən məlumata görə, monitorinq üç şadlıq sarayında, üç şəxsi həyətyanı sahədə keçirilən şənlikləri əhatə edib.

Monitorinqlər nəticəsində toy şənliklərinin keçirilməsində xüsusi karantin rejimi qaydalarını pozduqlarına görə:

- Üç nəfər İnzibati Xətalar Məcəlləsinin 211-ci (Epidemiya əleyhinə rejimin, sanitariya-gigiyena və karantin rejimlərinin pozulması) maddəsinə əsasən cərimə olunub;

- 11 nəfər COVID-19 pasportu olmadığına görə şənliyə buraxılmayıb.