Daha bir aviaşirkət Bakıya uçuşları dayandırır 

Avstriyanın Hava Yolları şirkəti “Austrian Airlines” Bakıya uçuşları dayandırır. Avtosfer.az fins.az-a məlumatına görə, bu barədə “Austrian Airlines”ın Bakı nümayəndəliyindən bildirilib. İndiyədək adı çəkilən şirkət Bakı -Vyana reysləri həyata keçirirdi. Şirkətdən bildirilib ki, reyslərin dayandırılmasına səbəb tələbatın aşağı düşməsi və sərnişinlərin sayının azalmasıdır. 

Şirkətdən onu da qeyd ediblər ki, Vyanaya reyslər 2016-cı ilin yanvarın 12-dən etibarən dayandırılır. Sərnişinlərə isə alternativ variantlar təklif olunacaq. 

Şirkət eyni zamanda yaranmış narahatlığa görə, sərnişinlərindən üzr də istəyib.