Deputat: "Azərbaycan xalqına xəyanət edən hər kəs qanun qarşısında cavab verəcək"

"Azərbaycan xalqı çox yaxşı bilir ki, Ramiz Mehdiyev kimi nə qədər hakimiyyət hərisləri olsa belə, onlar 44 günə Ermənistanı və havadarlarını məğlub edən İlham Əliyev qarşısında çox acizdirlər".

Avtosfer.az oxu.az-a istinadən xəbər verir ki, bu sözləri Milli Məclisin bu gün keçirilən plenar iclasında deputat Məlahət İbrahimqızı deyib.

O bildirib ki, bu gün dövlət çevrilişinə cəhd edən bu cinayətkar qüvvələr çirkli əməlləri ilə dövlətimizin qurucusu Heydər Əliyevə, Azərbaycan xalqını dünyada qalib xalq kimi tanıdan İlham Əliyevə və ərazi bütövlüyümüz və suverenliyimiz uğrunda canından keçən şəhidlərimizə ən ağır xəyanətdir:

"Azərbaycan xalqına xəyanət edən hər kəs qanun qarşısında cavab verəcək".