Deputat maşınlarına keçmiş nazirin şirkəti qulluq göstərəcək

Milli Məclis “İmprotex Motors” şirkəti ilə nəhəng müqavilə bağlayıb. Avtosfer.az "Bakupost"a istinadən xəbər verir ki, müqavilədə rəsmi qarantiyada olan nəqliyyat vasitələrinə qulluq göstərilməsi nəzərdə tutulur. Buraya yağ, sürtkü materialları, ehtiyyat hissələri və servis xidmətləri aiddir. Müqavilənin maliyyə dəyəri isə 2 milyon 282 min 605 manat müəyyənləşib. Müqavilənin icra müddəti açıqlanmayıb.

Xatırladaq ki,“İmprotex Motors” şirkəti 1991-ci ildə yaradılıb. Şirkətin sahibi sabiq əmək və əhalinin sosial müdafiəsi naziri Füzuli Ələkbərovdur. O, nazir işlədiyi 2006-2013-cü illərdə holdinqə onun həyat yoldaşı - İradə Ələkbərova rəhbərlik edib.