Dubaydan gələn erməni stüardessanı öldürmək istəyib

Dubay-Yerevan reysini həyata keçirən təyyarədə insident baş verib. 1977 -ci il təvəllüdlü, Artyom adlı şəxs sərnişinləri təhqir etməyə başlayıb. Şəxsi heyət üzvləri onu sakitləşdirməyə çalışsalar da,  buna nail ola bilməyiblər. Stüardessanı döyən erməni sərnişin daha sonra onu yerə yıxaraq, boğmağa başlayıb. Ətrafdakıları yaxınlaşmağa qoymayan sərnişini sona kimi sakitləşdirmək mümkün olmayıb. Saat 04: 15 radələrində Zvartnost hava limanına enən təyyarəni Ermənistan hüquq-mühafizə orqanlarının əməkdaşları  mühasirəyə alıblar. Şahid ifadələrindən bəlli olub ki, erməni sərnişin təxminən 40 dəqiqə göydə xuliqanlıq edib. Hadisənin səbəbləri araşdırılır.