Dünyanın ən uzun avtobus marşrutu - 6035 kilometr - FOTO

Azərbaycanda hansısa rayona avtobusla səfər edərkən ən geci 8 saata mənzil başına çatırıq. əksər rayonlara paytaxtdan məsafə 4 saatdan azdır. Lakin başqa ölkələrdə vəziyyət belə deyil.  Avtosfer.az xəbər verir ki, Perunun paytaxtı Lima ilə Brazailiyanın Rio de Janeyro şəhərini birləşdirən marşrut xətti 2023-cü ildə açılıb. Cənubi Amerikanın qərbindən şərqinə davam edən 6035 kilometrlik marşrut Sakit okean sahilində başlayıb Atlantik okean sahilində bitir. Dağlardan və səhralardan keçən marşrut 2 ölkənin 30-dək şəhərində dayanır. 
İkimərtəbəli, 43 nəfərlik avtobuslarda təyyarəyə oxşar şərait yaradılıb. Salonda internet, kondisioner, tualet mövcuddur. Səfər təxminən 5 gün (172 saat). Biletin qiyməti 1300 Braziliya realıdır, yəni 360 manar. Təyyarə bir qədər baha olsa da, bu yolu 5 saata gedir (müqayisə üçün deyək ki, Bakı-Paris reysi də təxminən 5 saat çəkir).
İşin pis tərəfi budur ki, gözəl mənzərələrdən keçən avtobusla səfər edənlər bel ağrısından 2 günə güclə xilas olurlar.

Vüqar