Duracağa qoyulan əsgərin maşınını yol polisi özünə qaytardı - FOTO

Ön cəbhədə döyüşən əsgər Anar Məmmədovun avtomobilinin yol polisləri tərəfindən duracağa aparılması ilə bağlı xəbər yayılmışdı. Anar Məmmədov Avtosfer.az">Avtosfer.az-a açıqlamasında bildirib ki, Bakı Şəhər Dövlət Yol Polisi İdarəsinə dəvət olunaraq heç bir cərimə yazılmadan ona məxsus "Khazar" markalı avtomobil özünə qaytarılıb.
Lakin "Azərmarş" şirkəti ona heç bir güzəşt etməyib. Həmin şirkət sürücüyə avtomobili idarə etmək üçün etibarnamə verməkdən imtina edir. Döyüşdə iştirak etdiyi vaxtda ödəyə bilmədiyi kreditin üzərinə isə faiz əlavə olunub. Şirkət nə faizləri ləğv edir, nə etibarnamə verir, nə də aylıq ödənişi ödəmək üçün möhlət verir.
Anar Məmmədov bu barədə ölkə başçısı cənab İlham Əliyevə müraciət ünvanladığını bildirib.

Fərid