ƏDV üzrə artıq ödənilmiş vəsaitlərin qaytarılması ilə bağlı QƏRAR

“Biznes mühiti və beynəlxalq reytinqlər üzrə Komissiyanın “Biznesə başlama, vergi və hesabatlılıq” işçi qrupunun 2021-ci il üçün Fəaliyyət Planının “Vergilərin ödənilməsi” bölməsinin 5-ci bəndində Dövlət Vergi Xidmətinə və Maliyyə Nazirliyinə ƏDV sahəsində inzibatçılığın təkmilləşdirilməsi və şəffaflığın daha da artırılması məqsədilə ƏDV üzrə artıq ödənilmiş vəsaitlərin qanunvericilikdə müəyyən edilmiş müddət çərçivəsində büdcədən qaytarılması ilə bağlı “Vahid elektron lövhə”nin yaradılması və tətbiqinə başlanılması tapşırılıb.

Bu barədə Baş Nazir Əli Əsədov sərəncam İmzalayıb.

Qərar qeyd edilən tapşırığın icrasının təmin edilməsi zərurəti ilə hazırlanıb.

Belə ki, qaydaların əvvəlki redaksiyasında vergilər üzrə artıq ödənilmiş vəsaitlərin vergi ödəyicisinə qaytarılmasının təmin edilməsi məqsədilə tərtib edilmiş rəylə birlikdə vergi orqanlarına təqdim edilmiş müvafiq ərizənin surətinin də maliyyə orqanlarına təqdim edilməsi nəzərdə tutulurdu.

Qeyd edilən prosedurun Dövlət Vergi Xidmətinin Avtomatlaşdırılmış Vergi İnformasiya Sistemində yaradılmış “Vahid elektron lövhə” vasitəsilə elektron formada həyata keçirələcəyini nəzərə alaraq, qərarda bununla bağlı müddəalar nəzərdə tutulub.