Erməniləri daşıyan təyyarə Bakı hava limanına enib

"İran İslam Respublikası və bəzi qonşu ölkələrin hava məkanının bağlanması ilə əlaqədar bir sıra beynəlxalq reyslər Zvartnots Beynəlxalq Hava Limanına və regionun digər ölkələrinin hava limanlarına təcili eniş edib".
Avtosfer.az xəbər verir ki, bu barədə Ermənistan Milli Təhlükəsizlik Xidməti məlumat yayıb.
Məlumata görə, Ermənistan Respublikası vətəndaşları və etnik erməniləri daşıyan təyyarə Bakının hava limanına, eyni zamanda, Azərbaycan vətəndaşlarını daşıyan təyyarə Zvartnots hava limanına enib.
"Nəzərinizə çatdırırıq ki, mövcud vəziyyətlə əlaqədar Ermənistan Respublikasının dövlət strukturları ardıcıl iş aparırlar", - Ermənistan Milli Təhlükəsizlik Xidmətindən bildirilib.