Erməniləri təşvişə salan lövhə - FOTO

Qubadlı rayonunun Gorus-Qafan avtomobil yolunda yeni lövhə quraşdırılıb.

Avtosfer.az Trend-ə istinadən bildirir ki, bu barədə məlumatı erməni KİV yayıb.

Bildirilir ki, üzərində "Azərbaycan Respublikasının ərazisinə daxil olursunuz" yazılan lövhə Şurnux yaşayış məntəqəsi ərazisində quraşdırılıb.

Qeyd edək ki, bir neçə gündür ki, Daxili İşlər Nazirliyinin Çevik Polis Alayı əməkdaşları Gorus-Qafan yolu üzərində qurulan postda İrandan Ermənistana, oradan isə Azərbaycanın Qubadlı rayonunun ərazisindən keçən yük maşınlarına nəzarət edir. Bu isə ermənilər arasında təşvişə səbəb olub.